Այսօր, Երևան քաղաքի բոլոր տարածքներում,հատկապես դպրոցներում գործում են կարատեի խմբակներ։ Դա ունի,և լավ ազդեցություն,և վատ։ Լավ է այն տեսանկյունից,որ սպորտը զարգանում է, մասնավորապես արևելյան մարզաձևերը,իսկ ծնողները կարող են տանել իրենց երեխաներին` տանը կամ աշխատանքին ավելի մոտիկ սպորտային ակումբ,կորցնելով ավելի քիչ ժամանակ։
Այժմ խոսենք , թե ինչու պետք է երեխաներին չտանել առաջին իսկ պատահած ակումբ,նույնիսկ, եթե այն Ձեզ մոտիկ է, հարմար են ժամերը,իսկ գինը մատչելի։
Անիմաստ է խոսել այն մասին, որ յուրաքանչյուր ծնող ցանկանում է,որ իր երեխան լինի առողջ և կրթված։ Այո, բոլորն են ցանկանում,սակայն բոլորը չեն ,որ հետևողական են այդ գործում։ Երբ դուք պետք է ընտրեք ակումբը ,նախ պետք է ընտրեք մարզիչին,ոչ թե վայրը։ Սա նման է նրան, որ, եթե Դուք ցանկանում եք երեխան սովորի անգլերեն, տանում եք նրան գերմաներենի մասնագետի մոտ, արդյունքում նա անգլերեն չի իմանա,նույնը և այս ոլորտում է ,եթե ցանկանում եք,որ Ձեր երեխան լինի առողջ,ֆիզիկապես ամուր, կարողանա պաշտպանել իրեն,լինի լավ մարդ և սովորի մարտարվեստ,ապա վստահեք լավագույն մարզիչներին:
Ցանկանում և միևնույն ժամանակ խնդրում ենք ծնողներին ,երեխաներին սպորտային խմբակներ տանել միայն հետևալ 3 կետերը պահպանելով:
1. Պետք է իմանալ նրա անձը, չէ որ Ձեր երեխան երկար մարզվելով,արդեն մեծ տարիքում միանշանակ կրկնելու է այն, ինչ անում է մարզիչը,կամ վարվելու է այնպես, ինչպես մարզիչը,դա հաստատված է հոգեբանների կողմից:
2. Պետք է իմանալ արդյոք մարզիչը ունի համապատասխան մասնագիտական գիտելիքներ,որտեղ է սովորել կամ սովորում,ունի արդյոք երեխաների հետ աշխատելու համապատասխան փորձ:
3. Պետք է հետևել մարզիչի գործունեությանը և վստահել միայն պարտաճանաչ,խելացի,փորձառու և իր գործին գիտակ մասնագետներին:
